Saturday, April 9

POLISI PEMANSANG TANAH (NCR) BN

Nitih ka polisi pemansang tanah hak adat Bumiputra BN, tanah bala Bumiputra, lebih agi bala Iban, diserah ngagai syarikat ti bebesai, dikena nanam utai.

Taja dalam keretas bala Iban agi ngempu tanah sida, tang ia ti bendar, bala sida udah nyerah ka semua hak enggau semua tanah sida nya ngagai syarikat ti nanam utai baka sawit ba tanah sida nya.

Bala Iban ti nyerah ka tanah nadai hak nentu ka gaji sida iya lalu mega nadai nentu ka dividend ti patut dibagi ngagai sida iya tiap taun.

Hak sida ngena tanah sida nya lalu lenyau. Syarikat ti nanam kelapa sawit nya lalu nguasa semua utai.

Gaji ti diberi syarikat nya tekelalu mit sampai ka bala ti empu tanah nya tepaksa ninggal ka rumah tanah sida lalu ngiga kerja ka bukai.

Di Johor aja bisi 40,000 bala Iban bekuli. Kena 13 Mei 2009, Menteri Pemansang Tanah madah ka bisi 823 bala Iban ti ngempu NCR sida bekereja ba tanah ti udah diserah ngagai syarikat ti nanam kelapa sawit.

Tang iya mega madah 1,215 iku orang asing bekereja dalam ladang ti patut nguntungka orang ti empu tanah.

Belabuh ari taun 2006 ngagai taun 2009, kira 1,000,000 ekar tanah hak adat Bumiputra Iban udah dikena ngaga lading nitih ka skim pemansang tanah BN tu.

Syarikat nanam sawit udah mayar RM2,301,116.86 ngagai bala orang ti empu tanah. Retinya orang ti empu tanah semina udah diberi RM2.39 sekar tiap taun dalam masa 13 taun tu ti udah. Enti dikira ngena taun, sida semina diberi 18 sen satu ekar dalam satu taun.

Tu nunjuk ka bala Iban udah ditipu teruk agi ari orang ti nipu ulun.


POLISI DAP BA TANAH (NCR) BAKA TU:

Perintah Pakatan Rakyat deka nyukat sereta meri pala tanah ngagai semua tanah NCR.

Perintah Pakatan Rakyat deka meri enggau pechuma semua benih, baja enggau rachun dikena bala Iban enggau Bumiputra bukai betanam ka sawit tauka utai bukai ba tanah sida empu.

Semua untung ari utai ti ditanam bala Bumiputra di tanah sida empu sida aja.

Perintah Pakatan Rakyat enda minta satu sen pulai.


Dalam polisi DAP/Pakatan Rakyat, mayuh orang ti bisi anah deka nyadi kaya.

Sida bisi kuasa penuh atas tanah sida enggau utai ti ditanam sida. Tang ti lebih nyenang ka ati kitai, bala orang muda kitai ti bekereja di menua orang ulih pulai ka Sarawak lalu nyadi orang kaya di menua diri ditu.

3 comments:

Iban Kemena said...

Dalam berita di Borneo Post kena ka 8 hari bulan April, 2011, Dr. Stephen Rundi madahka diri empu olih mutar ke penusah pasal tanah adat (NCR). Ko iya, iya deka ngelaban orang ke deka mai penyarut pasal tanah adat lebuh bekempen dalam bepilih menua Sarawak tu.

Enti Stephen Rundi amai olih ngemutar ke perkara pasal tanah adat, aram kitai sampal nyuruh iya ngemutar ke dulu 200 kes tanah adat ti udah di bai ngagai kot. Arap ke semua tanah adat dalam kes nya di pulai ngagai orang ti empu.

Enti nuan nadai olih ngemutar ke pekara tu, anang nuan Rundi bejako sebarang aja. Anang nuan ngemeli ke kami di rumah panjai.

Anonymous said...

Anang bulak.Nadai aku nenggar polisi free lands.Di Pulau Pinang kampung sidak tambi,sidak laut diroboh.Can u explain that?

JJJ said...

When rubber planting schemes were initiated many years ago (Sebintik, Skrang and Melugu) all participants are given three (3) different lands - to build a house, for backyard farming and the rubber small holding totaling +/- 15 acres. It was good. If a father participate, he has about 15 acres. If has 5 children who are scheme participants, each have about 15 acres. Thus this man and his extended family now have 90 acres (15 acres x 6). NOT bad hah?

With Salcra or Plantation company (new land development "model"),the agenda is totally different!

"Sayau Pemadu Sayau" to adopt a once popular song request, we have been "short-changed"!